- հեղինակություն և համբավ` աշխատակիցները Կազմակերպությունը ներկայացնելիս կամ իրենց իրավասությունների սահմաններում Կազմակերպության անունից գործելիս, այլոց հետ շփումներում և գործողություններում պետք է լինեն արդար և շրջահայաց, ձեռնապահ մնան այնպիսի գործողություններից և հայտարարություններից, որոնք կասկածի տակ կդնեն Կազմակերպության հեղինակությունը և գործարար համբավը,
- արդարություն և պատասխանատվություն` Կազմակերպությունում փոխհարաբերությունները, աշխատանքի կազմակերպման ու իրականացման գործընթացը հիմնված է արդարության և պատասխանատվության վրա,
- հարգանք` Կազմակերպությունը, այդ թվում Կազմակերպության յուրաքանչյուր աշխատակից, հարգում է յուրաքանչյուր անձի և նրա իրավունքները,
- վստահություն` Կազմակերպությունը կարևորում է աշխատակիցների հետ վստահության վրա հիմնված աշխատանքային հարաբերությունների հաստատումն ու պահպանումը և անվերապահորեն խզում է աշխատանքային հարաբերությունները վստահությունը կորցրած աշխատակիցների հետ,
- արհեստավարժություն` Կազմակերպությունն ապահովում է պրոֆեսիոնալ աշխատանքի և արդյունավետության բարձր ստանդարտներ,
- թիմային աշխատանք` Կազմակերպությունն իր գործունեության արդյունավետության բարձրացման և սահմանված նպատակին հասնելու համար կարևորում է թիմային աշխատանքը, այդ թվում աշխատակիցների համագործակցությունը և փոխադարձ աջակցությունը,
- նորարություն` Կազմակերպությունը ողջունում է իր աշխատակիցների կողմից նոր գաղափարների և դրանց կյանքի կոչելուն ուղղված միջոցառումների իրականացումը, ինչը կնպաստի Կազմակերպության հետագա գործունեության արդյունավետության բարձրացմանը,
- որակ` Կազմակերպությունը պատշաճ ուշադրություն է դարձնում ծառայությունների մատուցման բարձր որակի ապահովմանը,
- հավասարություն` Կազմակերպությունը ստեղծում է հավասար պայմաններ և ցուցաբերում է արդար մոտեցում:
Քաղվածք՝ «Ֆիդես հիփոթեքային ընկերություն» ՈՒՎԿ ՓԲԸ Գործարար վարվելակերպի կանոններից
Թարմացվել է 03.10.2019թ.10:45
